domingo, novembro 27, 2005

NOBELOS DE LA E REVISTAS

unha cunquiña de leite (quece), un pastel de cenoria (Magdalena lisboeta na noite de Nadal), chocolate con pan, sopa de letras con pelouros -traio os peterpans con lama- tosta rica na tevé -publicidade e suplementos de calceta...- na noite que escurece Espinete surca un armario (tapo os ollos co medo), baixamos da Graña mamá, Lucía e mais eu... é venres no piso, un dous tres responda outra vez, e o secador quéimame a cabeza... e perdín o libro mi mochila (sacúdeme a pena, e berro, e cáenme as marés). E no pé de mamá vaise cabalgando entre nobelos de la e revistas (batidos de amorodo, campos verdes, amplos xerseis con cintos... e porterías)... e no Natal que se achega un programa na tele, a carretera da iglesia, o grupo escolar (25 de diciembre... fum, fum, fum), e o piso que se abre, a humildade dos 80. E a Noiteboa na aldea, Estela que foxe para sempre, abelás que estoupan, Ilda e Manuel na cociña de ferro... e quero ficar quentiña nesta tenra miscelánea, neste universo de retallos (amores enfiados)... hoxe querería volver ver a pirotecnia do Carme asustada... buscando a escuridade dos brazos (papá e mamá... sublimes).

5 Comments:

Blogger Laurindinha said...

O frío húmido nos dedos que collen o bocata...

12:18 da tarde  
Blogger Laurindinha said...

Pois debe ser moi orixinal estar namorado dunha nena-coello...
A min o personaxe que máis me gustaba era o malo, sempre vagando con frío e fame polo bosque, pobriño!!

3:50 da tarde  
Blogger Laurindinha said...

Chamábase Gretel o malo, Paty a coelliña e Boby, do que eu estaba namorada, o oso ... (a outra metade de Laurindinha -C-, máis sabia en materia de debuxos animados)

6:49 da tarde  
Anonymous Anónimo said...

Fico impresionado coa túa portentosa memoria. Non me canso de dicilo. Os animais están tomados da serie de debuxos "La Aldea del Alce", non? Sóame a serie pero non me lembro de ningunha das personaxes. Recomendádesme algo para a memoria?

12:42 da manhã  
Blogger Laurindinha said...

A serie era "La aldea del arce"... o de ter tanta memoria pode ser bastante incómodo... moitas veces preferiría vivir no pasado (teño complexo de Peter Pan)

8:32 da tarde  

Enviar um comentário

<< Home